Festival Internacional de Curtametraxes Vía XIV de Verín

Os festivais de cinema como o FIC Vía XIV érguense como faros de pensamento crítico, ofrecendo un espazo no que as películas transcenden o seu papel propiamente visual para converterse en catalizadores de diálogo e acción. Son foros nos que a audiencia é desafíada a contemplar, debater e actuar ante as cuestións apremiantes do noso tempo, lembrándonos que a cinematografía pode ser moito máis que unha distracción: agroma como un medio poderoso para moldear a comprensión colectiva e catalizar o cambio.

Neste sentido, o FIC Vía XIV ensancha e afina a súa axenda en cada nova edición para converter Verín no epicentro da cultura do sur de Ourense. Esta edición, na que o FIC Vía XIV cumpre 10 anos, consolídase como o faro que alumea a vida cultural de Verín e os seus arredores. Como ven pasando ao longo desta década, o festival non dura só unha semana ao ano, senón que súa luz perdura 365 días coa intención última de devir nun contedor cultural de carácter estable dentro da vila.